Dama heridá den insidente Schiedam

85
insidente den Aleidastraat bou investigashon
SCHIEDAM—Un dama a keda heridá den un insidente ku hinkamentu djasabra mainta na Schiedam segun outoridatnan polisial.

No ta konosí kiko a pasa presis. E herida no ta grave segun bosero polisial, pero a transportá e dama pa tratamentu pa hospital. E dama a bati na porta di kas di su bisiña den Aleidastraat na Schiedam djasabra mainta. Ora esaki a mira e herida mésora el a yama polis. A pidi asistensia di paramedikonan alrededor di 8’or. Den e kas kaminda einsidente a tuma lugá tabatin tres hòmber i un dama. Polis a bai warda ku nan pa interogashon. Mester hasi investigashon ken tabata envolví den e hinkamentu i e motibu. Polis ta kontinua ku e investigashon di e insidente den Schiedam.