Enorme destrukshon despues di eksploshon bankomátiko

1254
destrukshon bankomátiko na Zeilplein
AMSTERDAM—Un eksploshon na un bankomátiko na Lambertus Zeilplein Amsterdam djasabra anochi a kousa bastante destrukshon.

No ta konosí si e sospechosonan a bai ku plaka. Un testigu a grab e eksploshon. Polis ta buskando dos hòmber relativamente yòng ku a hui riba un skuter despues di e eksploshon. A pidi asistensia di helicopter den e akshon di búskeda. A sera e area pa mas investigashon. Outoridatnan polisial ta pidi testigunan pa mèldu. Remarkable ta ku e eksploshon a tuma lugá na momentu ku tabatin hopi hende riba kaya ainda. Afortunadamente ningun hende no a keda heridá. E eksploshon a kousa hopi daño material. Riba grabashon di un testigu por mira kon e sospechosonan ta bula e bankomatiko ku eksplosivo pa despues hui riba skuter. Nan tabata asina fresku di saluda esnan riba kaya. E bankomátiko ta situá den un supermerkado. Algu despues di 22:30 habitantenan a keda spantá pa e zonido fuerte di eksploshon. Na Amsterdam Nieuw-West hopi biaha tin eksploshonnan di bankomatiko pero segun polis no a logra bai ku plaka den último 10 intentonan.