Gabinete ta sigui ku kambionan penshun sin sindikato; no tin tempu pa pèrdè

109
premier Rutte durante konferensia di prensa semanal
DEN HAAG—Gabinete mes ta sigui ku e kambionan di lei di penshun ku partidonan di koalishon a akordá den akuerdo di gobernashon.

Sindikatonan no ta envolví den esaki, pasobra nan a para e negosashonnan ku gabinete den November, pero nan ta bonbini pa sigui segun minister Koolmees di Asuntunan Sosial. E kambionan den Sistema di penshun ta nesesario segun gabinete. Ku negosashonnan a pega ku sindikatonan no por stroba e preparashon. A para e negosashonnan den bon esfera. Pero no tin tempu pa pèrdè. Premier Rutte ta spera ku por sali afó ku sindikatonan. Minister Koolmees ta start preparashonnan di kambionan di lei kaminda tur hende ta paga mes tantu prima pero no ta haña mes tantu penshun. Tambe e ta laga hasi kalkulashonnan di konsekuensianan finansiero pa fondonan i trahadónan di e Sistema di penshun mas individual aki. Kambio di edat di penshun tambe lo keda investigá pa CPB, kon por vincula espektativa di bida ku edat di penshun. Pasobra si poblashon promedio ta bisa mas bieu, e gastunan di AOW mester keda pagabale pa komunidat.