Hòmber arestá na Sto Domingo pa importashon di basta kilo dilanti wes komisario

Telefòn a red’é

713
Willemstad—-  A presente  e sospechoso Yeung dilanti wes komisario despues ku a bini kuné for di Sto Domingo na unda e la keda arestá.

Hopi ta bisa ku si algu sosodé ta kore bai skonde na Sto Domingo ya ku einan no tin tratado di ekstradishon pa Kòrsou. Nan lo keda sigur basta kibuká ora ku siman pasa nan a tuma nota kon a bai Sto Domingo bai buska un sospechoso ku a hui for di Kòrsou bai skonde einan. E sospechoso ya tabatin dos siman detené na Sto Domingo i tabata despues ku a kaba di hasi e petishonnan pa saka e sospechoso for di Sto Domingo pa asina e por wòrdu detené aki na Kòrsou esaki a bin tuma lugá. Outoridatnan lokal a hasi petishon pa detené e sospechoso Yueng ku aki na Kòrsou tabata wòrdu buska pa un kaso di importashon di basta kilonan di droga i tambe arma di kandela. ya ku no tin tratado di ekstradishon si tin e koperashon pa detené un persona ku no ta di e nashonalidat ei pa asina sake for di e pais debí ku hustisia ta busk’é. Esaki tabata e kaso ku a pasa kue  sospechoso na unda e la keda detené na Sto Domingo pa despues a sake for di e pais. E por a biaha trankil pa Kòrsou na unda manera e la pisa pia aki na Kòrsou e la keda detené. E la wòrdu detené sospecha di ta forma parti di un organisashon kriminal den e kaso aki importashon di tantu droga i tambe arma di kandela. E loke ku tin e sospechoso kologá te ainda ta debí ku dia ku a interseptá e droganan ta sospecha ku e la kore bai den un pikòp kual a ser haña despues hinka den mondi na Bullenbaai. Durante investigashon den e pikòp a bin topa ku telefon ku tabata pertenesé na e sospechoso. Ora a logra di habri e telefon a bin topa ku un kantidat di potrèt  ku tabata ilustrá basta droga i tambe arma nan di kandela ku probablemente lo a ser importá.  A presentá e sospechoso dilanti un wes komisario na unda su detenshon a wòrdu alarga ku mas dia. E kaso ta ketu bai den investigashon.