Hòmber pèrdí (22) morto den kanal

88
ta haña hòmber ku baiskel den kanal
WEERT—Den kanal di Noordkade na Weert outoridatnan polisial a haña kurpa di un hòmber (22) pèrdí di Weert.

Dos dia pasa polis a haña melding di un hòmber pèrdí. Servisionan di emergensia mesora a start ku e búskeda. Tambe a pidi asistensia di públiko via burgernet. Un di e posibel senarionan tabata ku kisas e hòmber a kai na awa. Pa e motibu aki brantwer a pidi asistensia di un team di sambuyadó pa buska den awa. Nan a haña e baiskel di e hòmber den e kanal. Tambe a yama helikopter di polis i boto sonar. Asina a bin logra haña e kurpa di e hòmber. Ainda polis ta investigando kon e hòmber a resultá den e kanal.