Kasamentu ta kaba den tiroteo

239
hasta na kasamentu tin konflikto
BECKUM—Un fiesta di kasamentu den bario Beckum na Overijssel a kaba den un tiroteo segun outoridatnan polisial.

Sinku minut prome ku mei anochi diripente invitadonan a tende tirunan. Tres persona a keda heridá. E tiroteo a tuma lugá banda di Beckum Palace den Haaksbergerstraat. Aki tabatin un fiesta kasamentu ku algun shen invitado. Entre e invitadonan a surgi un konflikto, sigui pa e tiroteo segun polis. E sospechosonan a hui den un outo. No tabatin detenshon. Un testigu a bisa ku polis a haña ocho huls. E tres víktimanan, dos hòmber i un dam, tur ta di Almelo. Tur tres a keda transport ku ambulans pa hospital. E dama ainda ta interná den hospital. E dos hòmbernan por a bandoná hospital despues di tratamentu. Segun RTV Oost e pareha ku a kasa ta trata di un futbolista di Quick20 di Oldenzaal i su esposa. Nan no a keda heridá. E otro hungadonan di e team tampoko. Mayoria hungadó a bai tempran relashoná ku un wega ayera.