Ladron den kaso oloshinan di luho detené

75
sospechoso tabatin oloshinan na balor di 125.000 euro
AMSTERDAM—Outoridatnan polisial a logra detené e ladron ku a bai ku oloshinan na balor di 125.000 euro for di un negoshi na Amsterdam.

Ta trata di un hòmber di 34 aña di Estland. El a keda detené den un bus di tour ku tabata biaha di Hulanda pa Alemania, na frontera ku Bunde na Nedersaksen. Hustisia na Amsterdam ta bai pidi su ekstradishon. Polis ta sospecha ku ta e hòmber aki a hòrta e negoshi di luho djabièrnè último den P.C. Hooftstraat kaminda el a presentá komo kliente. Dado momentu el a saka un arma kandela ku el a menasá e personal kune. El a logra bai ku un kantidat di oloshinan di luho. E personal a keda intakto. Ora a detené den e bus tambe e tabatin un arma di kandela i un kantidat di oloshinan ku ta pertenesé na e negoshi den Amsterdam.