Leandro bèk den Premier League i ‘Cuco’ a sinta mira ku Feyenoord

271
Leandro Bacuna bèk den Premier League.
INGLATERA/HULANDA—Durante di e fin di siman tras di lomba, e atenshon tabata riba dos di e piesanan klave di nos selekshon nashonal di futbòl.

Ta trata aki di Rhu-endly ‘Cuco’ Martina i tambe Leandro Bacuna. Ámbos a kaba di kambia di ekipo i tabata pendiente di nan eventual debut ku nan ekipo nobo.

Leandro Bacuna despues di tabata den Championship na Inglatera a pasa pa Premier League i a mira akshon durante di e último 4 minütnan di wega pa Cardiff City, den wega ku nan a gana di Bournemouth 2-0, djasabra último.

‘Cuco’ Martina tabata na banki komo suplente pa Feyenoord den ‘Eredivisie’ na Hulanda i no a logra pa mira akshon i hasi su debut, na momentu ku nan a kai vensí 2-1 kontra Excelsior.  Nos kapitan tambe tabata den Championship di futbòl ingles.