Rasid Winklaar kampion ‘Torneo Bon Aña 2019’

102
Akshon durante un di e finalnan di e torneo.
WILLEMSTAD—E tradishonal anual torneo di tènis, pa loke ta tenistanan kategoria senior, ‘Torneo Bon Aña 2019’ a yega su final djasabra último na RCC na Mon Repos.

Esaki dilanti di un bon públiko, ku a gosa di e último weganan di e kompetensia, unda ku tabatin algun sorpresa.

Organisadónan por a mira bèk riba 2 siman di kompetensia super eksitoso. 

Den e kategoria maskulino C individual, Mike Debi Tewari ta bira kampion, despues ku Robbert Dijk a retirá ora e skor tabata 6-3, 2-3. Den klase B maskulino Gilberto Bakhuis (72) a marka historia birando kampion, ganando di Johnny Dekkes 6-4, 6-3.

Sr. Bakhuis a wòrdu koroná komo e “Rei di Tènis”, debí na su logro, apesar di su edat respetá.

Den femenino C individual, Isabelle Mau-Asam a gana di Jennifer Irupailla 6-2, 2-6, 6-2.

Maskulino A individual, Rasid Winklaar a gana Demirte Celestina 6-0, 6-2.

Maskulino C60+ dòbel, e pareha Flores /de Graaf ta gana 6-4, 6-3 di e duo van Rooijen/Trapenberg.

Den maskulino B dòbel, De Windt/Martilia ta derotá Rouhet /van Wijk 2-6,6-3 i Tie break10-3.

Den maskulino B60+ dòbel, e dou Phelipa/Engelhardt ta gana e pareha de Windt/Wanga 6-3, 6-2 i femenino C dòbel e duo Martis/Mau-Asam a gana de Haan/Irupaille 6-4, 6-1.  

Mas aleu den femenino B dòbel, e duo Werdekker/Nijenhuis ta gana di de Vries/Frans 6-2, 6-1.

Miéntras ku den maskulino C dòbel, e duo Stacie/Lomp ta derotá e pareha Suen/Mau Asam 6-3, 6-1.

Finalmente e kampionnan apsoluto den maskulino A dòbel, a resultá e kombinashon Winklaar/Celestina ku a gana di Bloemendal/Andrade 6-1,6-2