Staka ku basta doló di kabes pa gana di Titus

127
Akshon den wega femenino di volibol.

WILLEMSTAD—FeVoKo su kampionato lokal di vòlibòl a kontinuá  ayera den sala Errol Rooi na SDK, ku 5 diferente wega.

Den klase A femenino, Shuatanari ta derotá Hurricane 2-0 (25-7, 25-20), unda den e último sèt Hurricane a duna mas resistensia pero ta keda kòrtiku.

Miéntras ku Stakamahakchi ta logra gana di Watakeli 2-1, ku sètnan ku a finalisá ku skor di 25-14,18-25 i 15-8.

Den wega di klase superior femenino, Staka ta kita Watakeli for di man 3-0, ganando ku sètnan di 25-8, 25-7 i 25-15.

Den maskulino superior Titus a bolbe pone drama i a duna Stakamahakchi doló di kabes, na momentu ku nan sali pèrdè e promé sèt 18-25, pero ta bòns bèk i gana e di dos set 25-23. Staka ta gana di 3 set 26-24, pero Titus ta bin bèk i empatá e wega na dos, ganando ku parsial di 25-23. Den e set final Staka a para e fiesta di Titus, logrando triunfo 15-10 i asina gana e enkuentro 3-2.

Den e último enkuentro di ayera, tabata Watakeli, ku ta dominá Green Tigers 3-0. Esaki ku parsialnan di 25-13, 25-17 i 25-18.