Akshon ta kontinuá na SITEK

Apesar ku a reuní ku ministernan

37
Stenenkoraal- Ayera for di den oranan mainta miembronan di direktiva di SITEK mester a reuní ku Minister di Enseñansa, Minister di Finansa I tambe Promé Minister. A reuní ku e ministernan riba e diferente puntonan.

Despues den oranan di mèrdia a sigui pa un reunion ku Minister di Enseñansa Alcala –Walle. Mas den oranan di atardi a reuní ku e huristanan pa traha e konsepto di e puntonan ku a keda trata. Te den oranan lat di nochi ainda nan no a risibí e karta pa por trata e puntonan. Esaki a pone ku e maestronan a disidí ku nan lo reuní den oranan di awe mainta atrobe pa asina trata e karta I wak si ta bai di akuerdo ku e puntonan. Maestronan di skol lo bolbe ta presente awe mainta mitar di ocho na SITEK. Maestronan di skol a duna di konosé ku nan lo no kansa I ku nan tin pasenshi pa sigui lucha.