Atletanan lokal ta destaká i pone rèkòrt na Hulanda

245
Nos atletanan.
HULANDA—Durante di e fin di siman tras di lomba a tuma lugá na Hulanda un kompetensia Indoor di atletismo. Esaki djasabra último, unda atletanan a kompetí den kareda di 4 x 200 meter. Tabata e asina yamá “Atletiekunie 4 x 200 meter Indoor Cup 2019”, ku a mira akshon na Omnisport Apeldoorn.

Na e kompetensia aki, tabatin diferente di nos atletanan, kende tambe a tuma parti. Un ke otro, unda tabatin un ekipo maskulino i tambe unu femenino, formá pa nos muchanan.

E ekipo maskulino a logra tempu di 1.29.68, miéntras ku e atletanan femenino a logra tempu di 1.42.62, ku kual nan a kibra e rèkòrt ku tabatin pone.

Pa loke ta e ekipo maskulino ku a kompetí, esaki a konta ku atletanan Anthony Rasmijn, Dudly Boeldak, Chanelton Schmidt i tambe Rayen Royer, miéntras ku e doñonan di rèkòrt nobo, ta Maruska Eduarda, Nargelis Statia, Demi van de Sande i tambe Kim Rossen.