A bai Poli kuné pa opservashon médiko.
Willemstad—  Polis mester a bai den e bario di Charo pa un dama ku a keda maltratá den e bario di Marchena.

Ayera den oranan di mainta a pidi presensia di ambulans na un kas den e bario di Charo pa un dama ku tabata keha di basta doló despues di a wòrdu maltratá. A bin resultá ku e dama aki a keda maltratá den e bario di Marchena i a kana bai drumi den e kas na Charo. Personal di ambulans ku a bai na e kas a saminá e víktima i enbèrdat a bin tuma nota ku e tabata basta leshoná. A bai Poli kuné pa opservashon médiko. Polis a keda di hasi e demas investigashon den e kaso di maltrato aki.