E ekipo di Borussia Dortmund eliminá for dje Kopa di Alemania

82
Fot borussia: Hungada tòf den e partido entre Werder Bremen i Borussia Dortmund di kua a keda ganá pa e proménan.

DORTMUND,  – Na Kòrsou nos ta bisa no ta tur biaha ta leshi dushi. Despues di superá dos  eliminatorionan den prolongashon,  e lider di Bundesliga Borussia Dortmund  a kai pa medio di pinalti kontra di  Werder Bremen den Kopa Alemania.

Un prolongashon hopi elektrisitante ta loke tabatin despues ku tabatin no ménos kuater gol den dje.

Ayera si e kosnan no sali nada bon pa e delantero spañó,  Paco Alcácer, ya ku e no ta skor niun gol den e tempu reglamentario, prolongashon, miéntras ku tambe e la faya e promé tiru penal ku e la ehekutá pa  Borussia Dortmund.

E partido reglamentario a kaba a kaba 1-1, miéntras ku despues dje tempu di prolongashon esaki a kaba 3-3, loke a forsa un tanda di pinalti ku a bin keda ganá pa Werder Bremen.

Kosnan Importante dje partido:

Borussia Dortmund: Oelschlägel; Achraf, Weigl, Toprak, Diallo; Witsel, Delaney (Dahoud, 105′); Guerreiro (Bruun Larsen, 90′), Reus (Alcácer, 46′), Pulisic; Götze (Philipp, 91′).

Werder Bremen: Pavlenka; Gebre Selassie (Eggestein, 114′), Langkamp, Sahin (Möhwald, 75′), Moisander, Augustinsson; Eggestein, Bargfrede (Pizarro, 90′), Klaasen; Kruse, Rashica (Harnik, 66′).

Golnan: 0-1 M.5 Rashica. 1-1 M.45 Reus. 1-2 M.105 Pulisic. 2-2 M.108 Pizarro. 3-2 M.113 Achraf. 3-3 M.119 Harnik.

Rèfri: Brych (Alemania). E la duna karchi hel na  Weigl, Bruun Larsen / Klaassen, Moisander.

Kancha: Signal Iduna Park. 80.000 fanátiko.