Willemstad—– Djamars 5 di febrüari 2019, den oranan di mainta i atardi, personal di departamentu di Krímen Organisá (DGC), Douane i Warda Kosta riba òrdu di Ministerio Públiko a tene entrada hudisial na un kas den área di Stenen Koraal.

 

E entrada hudisial ta den kuadro di un investigashon penal ku ta andando relashoná ku un kaso di violashon di lei di opio.

En konekshon ku esaki a detené 1 dama i 1 hòmber:

Y.C., 28 aña di edat,

E.C., 31 aña di edat, tur dos nasé na Kòrsou.

Durante di entrada hudisial a haña i konfiská un revòlver kargá ku bala skèrpí.

Kontinuando ku e investigashon mas lat den atardi a detené un hòmber;

G.G.R., 29 aña di edat, nasé na Kòrsou.

A presentá e trio sospechoso dilanti un Fiskal Ouksiliar ku a ordená nan enkarselamentu pendiente di mas investigashon.