Guaidó ta konvoká mobilisashon pa dia 12 di febrüari próksimo

112
Multitut ku a subi kaya den fin di siman.
CARACAS – E kabesante di Parlamento venezolano, Juan Guaidó, a yama un importante mobilisashon pa dia 12 di febrüari próksimo, dia di hubentut. Esaki komo parti di e konvokatorianan kontra e presidente Nicolas Maduro.

Esaki a indiká na e pueblo venezolano ku nan tin di kuminsá marka e fecha aki, pues e ta unu hopi importante, pero sin duna mas detaye di esaki. E lider opositor a limitá su mes, bisando ku den e próksimo dianan lo e duna mas informashon di esaki.Esaki a sigui indiká ku komo pueblo nan lo sigui riba kaya te na momentu ku nan logra libertat, i pone un fin na e situashon pa ku Nicolas Maduro.

Esaki despues ku ya djasabra tras di lomba e oposishon venezolano a mobilisá na ost di Caracas i otro estadonan di e pais pa gradisí Parlamento Oropeo pa rekonosementu di Guaidó komo presidente enkargá di Venezuela.For di e manifestashon aki, na kua míles di opositor a akudí, Guaidó tambe a anunsiá algun puntonan di yudansa humanitario na Cúcuta (Colombia), Brasil i un isla di e Karibe, pero sin presisá kua presis.Ademas esaki a pidi Forsa Armá pa ekspulsá gueria kolombiano ELN di frontera entre ámbos paisnan.

Tur esaki miéntras ku Maduro, di su banda, a pidi pa asina adelantá elekshonnan di Asamblea Nashonal, den intento di evitá un oposishon ku ta sita kompetensianan legislativo pa desafiá e gobièrnu i preshoná esaki pa renunsiá.Esaki ademas a indiká ku e ta pidi pa esaki sosodé e aña aki mes, aunke ku Asamblea Nashonal ta aktualmente den man di oposishon i ta suponé di tin elekshonnan te na aña 2020 próksimo.