Hòmber i dama detené pa atrako

141
Willemstad—– Tim di atrako a logra di detené dos persona ku ta wòrdu sospecha di a kometé un atrako.

Djamars 5 di febrüari 2019 alrededor di 06.10, personal di Tim di Atrako a detené dos persona en konekshon ku un kaso di atrako ku a tuma lugá dia 17 di sèptèmber 2018 na Kaya Hose i Nana.

Ta trata di e dama G.M.C. di 47 aña di edat i e hòmber E.R.I.E. di 20 aña di edat, ámbos nase na Kòrsou.

E detenshon a tuma lugá na un kas na Jan Doret.

Polis a konfiská un kantidat di artíkulo, ku ta importante pa e investigashon.

A presentá e dos sospechosonan dilanti di un fiskal ouksiliar, ku a ordená nan enkarselamentu pendiente di mas investigashon.