‘J4K’ ku sekshon di práktika grátis pa tur organisashon hubenil

165
Parti di sekshon di training di J4K.
WILLEMSTAD—Den kuadro di selebrashon di nan promé aniversario, J4K, ku ta para pa “Just for Keepers”, ku ta un organisashon dediká na kipernan riba nos isla, ta duna un sekshon di práktika grátis na tur organisashon hubenil riba nos isla. Esaki riba e ekiponan su propio tereno.

Tabata ayera dia 4 febrüari 2019, ku e organisashon enkabesá pa Henry Plaate, a rekòrdá ku e organisashon a mira lus di dia un aña pasá.

Relashoná ku esaki ‘J4K Curaçao’, ta yama danki un i tur ku a koperá ku nan skol di kiper, gradisiendo pa e akohida ku a haña for di inisio.

Esaki ku partisipashon na e skol eksklusivo pa kiper i e 4 klínikanan ku a tene durante di e aña. Tambe ta yama danki, na tur e coachnan, ku ta hasi posibel ku por a duna e trainingnan.

Relashoná ku e opsekio bèk na ekiponan, ya for di dia 31 yanüari último,  ‘J4K Curaçao’, a tene su promé sekshon serka e ekipo di New Song. Miéntras tantu e organisashon ku ta deseá pa bishita nan, por kuminsá indiká esaki, na Henry Plaate, via whatsapp. 567-6654.