Kòrsou ta gana Sürnam den ‘Junior Davis Cup’

106
Miembronan di nos ekipo.
WILLEMSTAD—E ekipo di Junior Davis Cup Kòrsou, tabatin un djaluna eksitoso, pa loke ta e weganan di klasifikashon na El Salvador. E ekipo di Kòrsou ku ta posishoná na di seis lugá den e torneo, a gana nan promé kompetensia kontra di Sürnam. Esaki tabata un triunfo, ku skor di 3-0.

Noah Martis a gana den e promé wega individual, ku 6-1, 6-0 di Kush Moolchandani, miéntras ku Gianluca Beaujon a derotá den e di dos wega Yannick Issa ku 6-0 i 6-3.

Den e wega dòbel, tabata Beaujon i Martis, ku a gana despues di retiro di Issa i Moolchandani.

Miéntras tantu awe, djamars dia 5 febrüari 2019,  nan lo tin ku enfrentá e ekipo di Puerto Rico. Seguidamente mañan, Kòrsou lo hunga su último wega den su grupo. Esaki lo bira kontra di e ekipo den representashon di Costa Rica.

E dos ekiponan ku e mihó resultado den nan grupo, lo pasa despues pa ‘Main Draw’, pa asina lucha pa e posishonnan 1 te ku 8.