Maestronan di skol a marcha silensiosamente bai Fòrti

170
Punda- Ayera maestronan di skol a kontinuá ku nan akshon kaminda ku despues di a reuní na nan sede na SITEK nan mester a drenta konvoi i bai direkshon Punda.

E maestronan di skol momentu ku nan a yega Punda nan mester a marcha for di Wilheliminaplein i bai direkshon di Fòrti. E maestronan di skol nan a bin ku mondkapjes na nan kara pa asina demostrá ku nan ta marchando di un forma silensioso. Na momentu ku nan mester a yega Fòrti a pidi pa Promé Minister ku a risibí 7 persona di e sindikato. Despues ku Promé Minister a sali pafó Sr. Darius Plantijn a pidi si e maestronan di skol por drenta paden pa asina tuma nota di e entrega di e karta. Mesora Promé Minister a bai di akuerdo pa asina nan por a drenta paden i presensia e karta ku nan a entrega na ku e puntonan importante ku nan ke pa keda regla. Promé Minister a bisa nan ku e sa ki ta biba den nan i ku ta trahando riba esaki pa por yega na un solushon. Tambe ku minister di Enseñansa ta hasiendo su posibel pa yega na un solushon. Den oranan di nochi nos a tuma kontakto ku Sr. Plantijn i e la bisa ku te ainda nan ta wardando un kontesta di minister. Tambe ku mañan mainta nan lo bolbe reuní na SITEK ku e maestronan i lo ba i wak abase di e kontesta di Gobièrnu nan lo regresá nan trabou.