Sandley ‘Kid’ Martina ta e presidente nobo di USAC

143
Sandley Martina.
WILLEMSTAD—Durante di e fin di siman ta tras di lomba, pa ta mas eksakto djasabra, dia 2 febrüari último, USAC a tene nan elekshon pa un direktiva nobo. USAC ta e federashon enkargá ku umpayer i scorernan den beisbòl lokal.

E elekshon tabata unu, konsiderá eksitoso pa dirigentenan, unda mas ku 70% di miembronan, a akudí pa depositá nan voto. Pa loke ta trata e kontienda pa presidente di USAC, tabatin dos kandidato.

Esakinan tabata Gerald Mathilda i Sandley ‘Kid’ Martina. Tabata Sandley ‘Kid’ Martina, ku a gana i konsekuentemente lo ta e presidente nobo di USAC, pa e añanan benidero.

Demas miembronan ku tambe ta forma parti di e direktiva nobo, ku a keda elihí, ta Carol de Palm, Hensley Benito, Eldrin Ortega i Gilbert Denisia.

Éksito na USAC su direktiva nobo.