TEGUCIGALPA – Outoridatnan di Honduras a detené 43 inmigrante indokumentá di Cuba, Kamerun i Haiti, kende nan a drenta di forma ilegal na e pais den nan intento di yega Estádos Unídos.
Agentenan polisial a detené un total di 30 inmigrante di Cuba, dies di Haiti i tres di Kamerun, serka di e punto di Agua Caliente, na frontera ku Guatemala, na momentu ku nan tabata biaha den un bùs.
Tur esaki nan a keda detené pa motibu ku nan tabata di forma ilegal na e pais i nan destino final tabata Estádos Unídos.
E inmigrantenan ta permanesé den e instalashonnan di e Instituto Nashonal di Migrashon den e departamento oksidental di Ocotepeque, unda outoridatnan lo disidí si nan lo keda mandá bèk pa nan pais òf lo duna an un pèrmit pa krusa e teritorio nashonal.
Na aña 2018 outoridatnan hondureño a detené mas di 4 mil ekstranhero na diferente puntonan di duna di e pais.
Honduras a kombertí su mes den e último añanan, den e punto di tránsito di inmigrante, spesialmente kubano i afrikano, ku ta bandoná nan propio paisnan ku intenshon di yega Estádos Unídos.
Mayoria di e inmigrantenan ta keda detené na puntonan serkano di e frontera entre Honduras i Nicaragua den operashonnan di outoridatnan migratorio hondureño.
Generalmente, segun outoridatnan di Honduras, e inmigrantenan ta drenta e pais na puntonan siegu pa asina evadí kontrolnan di duana.
Na luna di yanüari tras di lomba, dos karavana nobo a sali for di Amérika sentral, unu formá pa 1700 persona hondureño i otro di salvadoreño, mas chikí. Tur esaki nan ku plannan pa di e forma aki yega Estádos Unídos.
