Barça a reakshoná na tempu pa empata ku Real Madrid

52
 

CAMP NOU, – Den un klásiko hopi intenso i típiko dje Copa Rey, e ekipo di Barça tabata por bini di atras pa kaba ku e dominio di Madrid, prinsipalmente dje promé djesinku minütnan dje partido pa logra un empate di 1-1.

Madrid na final a sa di wanta e tantísimo atakenan  ku e plantel di e mister, Ernesto Valverde, a imponé riba nan. Pero den mesun rosea mester atmití ku e ekipo blanku di e mister Santiago Solari a hunga un di su mihó partidonan pa loke ta bai e aktual temporada, miéntras di otro banda  e partido no laga  hopi satisfecho e ekipo di Barça ku alfinal a meresé di ganá di partido.

 

Kosnan Importante dje Partido:

FC Barcelona: Ter Stegen; Semedo, Piqué, Lenglet, Jordi Alba, Busquets (c), Rakitic (Arturo Vidal, min. 62), Arthur, Malcom (Aleñá, min. 75), Coutinho (Messi, min. 63) i Luis Suárez.

Real Madrid: Navas; Carvajal, Varane, Sergio Ramos (c), Marcelo, Llorente (Casemiro, min. 63), Kroos, Modric, Lucas Vázquez (Marco Asensio, min. 84), Vinicius Junior (Bale, min. 63) i Benzema.

Golnan: 0-1, min. 5: Lucas Vázquez a probecha un  pase di Benzema for dje línea di fondo pa hasi e partido 1-0, mientras ku na  57 minut,  Malcom, ta skor despues  di un tiru  Luis Suárez ku a dal den un palu di gol.

Rèfri: Mateu Lahoz (komité valenciano). E la duna karchi hel na Sergio Ramos (min. 9), Semedo (min. 43), Luis Suárez (min. 55), Marcelo (min. 56), Jordi Alba (min. 57) y Arturo Vidal (min. 88).  E la ekspulsa  José Ramón ku ta e trainer di kiper dje ekipo di FC Barcelona na 69 minut dje partido. .

Insidensianan: Partido di ida pa loke ta semifinal dje Copa  Rey 2018-19, disputa den e Camp Nou dilanti  92.008 fanátiko.