Dos persona ta pèrdè nan bida den tiroteo durante preparativonan di karnaval

84
E inseguridat ku ta reina na e pais lo por afektá e temporada festivo aki.

PORT-AU-PRINCE – Un agente polisial di Haiti i tambe un sivil a pèrdè nan bida durante preparativonan di karnaval na Port-Au-Prince, na momentu ku un tiroteo a keda registrá den e zona di Campos de Marte.

E insidente aki a keda produsí den oranan di djadumingu den e zona ariba menshoná, na momentu ku un individuo ku no a keda identifiká pa outoridatnan, a lòs bala kontra agentenan polisial, kende nan mesora a respondé na e agreshon. Un di e agentenan heridá a keda transportá inmediatamente pa un sentro médiko, pero lamentablemente a fayesé risibiendo atenshon.

Ku e dos mortonan aki, ya ta suma seis persona ku a pèrdè nan bida for di inisio di aktividatnan promé ku karnaval na Haiti, e fiesta mas popular di e pais. Aki ta biba un situashon di inseguridat difísil di keda kontrolá pa outoridatnan

Ademas, ku morto di e miembro di forsa di seguridat aki, ya ta sinku agente di polis ku a pèrdè nan bida na e pais den e último sinku simannan. Esaki sigur ta un situashon di preokupashon pa e poblashon i institushon di òrdu, kua ta realisando un investigashon relashoná ku e último echonan violento.

Na aña 2015, un total di 17 persona a pèrdè nan bida durante e époka di karnaval den un aksidente di tráfiko, pero e aña aki e inseguridat ta loke mas por afektá e festividat popular aki.