Gherrel Remilia: Mester tin kos di skonde den e rapòrt

204
Willemstad,– Señor Gherrel Remilia ta bisa ku e notisia di ku e preffered Bidder a stop ku negoshashon tabata unu hopi pisa i mirando ku último tempu MDPT a gasta 18 mion den tres aña i awor nos ta riba e mesun kaminda, trahadónan a pidi pa sindikato ta mas skerpi i ta esei ta loke ta pasando. Sindikato no ta kere den e dos puntonan ku gobièrnu a menshoná e pakiko e ‘prefferd bidder’ a bula’fo, pero ta kere ku tin puntonan muchu mas pisa.

E ta splika ku e biahanan pa Houston últimamente tabata ser hasi solamente pa e presidente di e tim negoshadó i dos miembro mas, siendo den pasado ta hinter  e tim tabata bai.

E lider di APRI ta sigui bisa ku sindikato a pidi e rapòrt, paso un di e personanan ku nan kier kita for di trabou, ta shopsteward di PWFC i su abogado tambe ta pidiendo e rapòrt pa defendé e trahadó.

Señor Remilia ta bisa ku a laga nan sa ku nan mester bai na un instansia pa tira bista den e rapòrt, pero sindikato no ta di akuerdo i nan kier kopia di e rapòrt. E ta splika ku si no kier duna e rapòrt, lo mester ta paso tin kos di skonde pa pueblo den e raport.

Pa loke ta e asuntu di ku sera refineria pa bini ku Greentown, señor Remilia a bisa ku el a haña un app kaminda Andre Cashimiri ta bis’é ku e ta direktor di Greentown i el a hasi menshon di ku MOTIVA no ta negoshá mas i ku e ke un reunion ku Remilia pa e papia di su plan. Señor remilia a bisa ayera ku e ta pidi señor Casimiri pa porfabor no app e nunka mas, sino e ta hañ’é ta manda e sòldánan di isla pe.