Gherrel Remilia: Nos no ta komprondé dikon promé minister kier tene Christiaan den e tim negoshadó

122
Trahadónan no kier pa Clift Christiaan ta den e tim negoshadó miéntras ku promé minister ta bisa ku e si kier sigui traha ku señor Christiaan i ta parse ku ta esei e kier pa e sindikatonan komprondé.
Wilemstad,– Señor Gherrel Remilia lider di e sindikato APRI a splika ku dia 15 di yanüari tambe ora a hasi menshon di kosnan dudoso di señor Clift Christiaan, promé minister Eugene Rhuggenaath tabatin un aktuashon igual na esun di djamars último.

Señor Remilia ta bisa ku e no sa kiko ta pasando i dikon señor promé minister ta defendé señor Christiaan ku alma i kurpa, siendo ku trahadónan a bisa bon kla ku nan no ke pa e señor Christiaan ei atendé nada mas pa nan.

Trahadónan no kier pa Clift Christiaan ta den e tim negoshadó miéntras ku promé minister ta bisa ku e si kier sigui traha ku señor Christiaan i ta parse ku ta esei e kier pa e sindikatonan komprondé. Pero di parti di sindikato, señor Christiaan ta bisa ku promé minister mester komprondé u su pensamentu no ta pensamentu di sindikato ni di e trahadónan.

E sindikato a splika ku nan ta sigui ku e akshon te na momentu ku nan risibí un kontesta di gobièrnu pa wak kiko esaki ta i kiko ta e pasonan ku lo mester tuma dependiendo e kontesta ku nan risibí.