Gherrel Remilia: Promé Minister a grita i falta mi rèspèt na telefon

205
Gherrel Remilia tabata basta rabia despues ku promé minister lo mester a papia malu kuné na telefon.
Willemstad,– Durante ku e trahadónan di Isla tabata para na porta di Forti pa warda un kontesta di promé minister Eugene Rhuggenaath, e lider di sindikato APRI a haña diferente yama di promé minister kaminda tabata negoshando pa e promé minister sali bin pafó.

Dado momentu señor Remilia di APRI a rabia un poko, kam9inda e ta bisa ku e no ta akseptá ku su promé minister ta grit’é na telefon i bira histériko faltando rèspèt.

Remila a splika prensa i tambe trahadónan ku na momentu ku el a bisa promé minister ku nan a bin ta djis pa e dos kontestanan ku e no a kontestá nan na sede, kual ta pa saka Clift Christiaan for di e tim negoshadó i e otro ta pa hinka Errol Cova den e tim negoshadó. Segun Remilia akinan promé minister lo mester a bisa ku ámbos kontesta ta no i el a bisa promé minister ku e lo partisipá esei na su miembronan, mesora promé minister a kambia di idea i bisa ku e ta bini pafo.