Hues ta duna mama ku kier a bende yu 150 ora kastigu

33
mama tabata ofresé yu muhé na hòmbernan
LEEUWARDEN—Un dama di 51 aña di Joure ku a ofrese su yu muhé di 14 pa sekso, mester bai prison un dia i ta haña un kastigu di 150 ora di trabou.

Asina korte na Leeuwarden  a determiná. E dama a invitá un hòmber (36) di Schagen pa bini su kas pa duna su yu (14) masashi. E dia di e sita e dama a bisa e yu ku e mester kita paña. Si e no hasi esaki e no por a sali weekend. E kastigu ta menos ku e 10 luna di prison ku OM a pidi kontra e dama. Pero korte ta konsiderá ripitishon inprobabel i no ta mira e balor agregá den un kastigu largu. E dama ta un persona vulnerable i no por a distingui relashon di outoridat, segun korte djamars. E tabata mira su yu komo un amiga. E hòmber di Schagen a keda kondená na un kastigu di trabou di 200 ora. Un otro hòmber di 27 aña di Heerenveen a haña un kastigu di 6 luna di kua dos kondishonal. E tambe a drenta den kontakto via di e mama i tabatin sekso ku e mucha.