Johaimry Balentina di Montagne Abou ta tira no hit no run riba Brievengat A

191
Picher di Montagne Abou ku a tira den gran forma pa su ekipo gana.
Willemstad,– Den e kategoria di Little League Liga Pariba e ekipo di Montagne Abou ta logra derota ámbos ekipo di Brievengat rba e mesun dia ora ku nan gana e tim B ku skor di 7 pa 3 i esun A nan ta gana 11 pa 0 kaminda e picher Johaimry Balentina a tira un no hit no run.

Trai Seru ta keda invikto ganando dos wega i Montagne Ariba tambe ta gana dos wega pa keda na di dos lugá ku un derota.

MONTAGNE ABOU 5 – SANTA ROSA 1

E ekipo di Montagne Abou tabatin un fin di siman grandi kaminda nan a logra tres viktoria dne kategoria di Little League ganando e promé wega ku skor di 5 pa 1 kontra Santa Rosa.

Pa Montagne Ariba 5 kareda, 8 hit i 2 eror. Jadeal Janga a gana i na bate Shairo Vargas bai di 3-2.

Pa Santa Rosa 1 kareda, 6 hit i 3 eror. Tishmar Hermanus a pèrdè i na bate Rayhan Sambo a bai di 3-2.

SANTA ROSA 12 – BRIEVENGAT B 9

E ekipo di Santa Rosa ta bini bek despues di a pèrdè e promé wega i ta gana di Brievengat B ku e skor di 12 pa 9.

Pa Santa Rosa 12 kareda, 4 hit i 2 eror. Renzo Balentien a gana i na bate Joshua Cicilia a bai di 3-2.

Pa Brievengat B 9 kareda, 6 hit i e ror. Quyon Zijlstra a pèrdè i na bate Quyon Zijlstra mes a bai di 1-1.

TRAI SERU 13 – BRIEVENGAT A 4

Trai Seru ta logra mantené su invikto derotando e ekipo di Brievengat A ku skor di 13 pa 4.

Pa Trai Seru 13 kareda, 6 hit i 2 eror. Davidson Antonia a gana i na bate Zhaydire Joubert a bai di 2-1.

Pa Brievengat A 4 kareda, 2 hit i 4 eror. Zouk’aino Jacobs a pèrdè i na bate Kyano Desbarida a bai di 3-1.

MONTAGNE ARIBA 8 – VAN ENGELEN 2

Den e último wega di dia, e ekipo di Montagne Ariba ta logra otro viktoria derotando e ekipo di Van Engelen fásil ku skor di 8 pa 2.

Pa Montagne Ariba8 kareda, 7 hit i 2 eror. Gui-jerone Marchena a gana i na bate Rajeaven Joubert a bai di 4-4.

Pa Van Engelen 2 kareda, 1 hit i 1 eror. Justin Berroa Cruz a pèrdè i na bate Patrick Victoria a bai di 3-1.

DJADUMINGU

TRAI SERU 12 – VAN ENGELEN 2

Djadumingu mainta trempan e weganan a kontinuá kaminda e ekipo di Trai Seru ta sigui gana i e biaha aki nan ta suta e ekipo di Van Enegelen ku skor di 12 pa 2.

Pa Trai Seru 12 kareda, 10 hit i 2 eror. Rushano Petronia a gana i na bate Nathanael Cijntje a bai di 4-3.

Pa Van Engelen 2  kareda, 2 hit i 4 eror. Thaima Maximiliana a pèrdè i na bate Attaf a bati 1 hit den turno na bate.

MONTAGNE ABOU 7 – BRIEVENGAT B 3

Seguidamente e ekipo di Montagne Abou ta logra su promé viktoria di dia ora ku nan gana di Brievengat B ku e skor di 7 pa 3.

Pa Montagne Abou 7 kareda, 7 hit i 1 eror. Shairo Vargas a gana i na bate Shairo Vargas mes mihó bate atrobe ora ku el a bai di 3-3.

Pa Brievengat B 3 kareda, 1 hit i 0 eror. Ivintz Nagalus a pèrdè i na bate Quyon Zijlstra tabatin e úniko hit pa su ekipo den 3 turno na bate.

MONTAGNE ABOU 11 – BRIEVENGAT A 0

Seguidamente e ekipo di Montagne Abou ta logra otro viktoria i e biaha aki kontra e otro ekipo di Brievengat kual ta e ekipo B kende nan ta gana pa medio di nòkout ku skor di 11 pa 0 i kaminda ku e picher Johaimry Balentina ta tira un hit no run. Mester remarka ku ta apénas un hit tabatin den e wega aki, kaminda e picher di Brievengat Danery Meyer tambe a pèrmití solamente un hir, pero e ekipo di Montagne a skor 11 kareda.

Pa Montagne Ariba 11 kareda, 1 hit i 1 eror. Johaimry Balentina a gana miéntras ku na bate Jadeal Janga tabatin e úniko hit di e partido den tres turno na bate.

Pa Brievenat 0 kareda, 0 hit i 4 eror. Danery Meyer a pèrdè permitiendo apénas un hit i na bate niun di e muchanan di Brievengat no a konektá di hit.

MONTAGNE ARIBA 15 – SANTA ROSA 5

Den e último partido e ekipo di Montagne Ariba ta gana di Santa Rosa pa medio di nòkout ku e skor di 15 pa 5.

Pa Montagne Arina 15 kareda, 6 hit i 4 eror. Angemar Raiz a gana i na bate Angemar Raiz mes a bai di 3-2 i Givian Servania a bai di 1-1.

Pa Santa Rosa 5 kareda, 1 hit i 3 eror. Joshua Cicilia a pèrdè i na bate Ro-Antly Anastatia a bai di 1-1 ku e úniko hit konektá pam su ekipo.

KONTINUASHON

E weganan di Little League ta kontinuá djasabra i djadumingu hinter dia den Sabana Ballpark kuminsando 10’or di mainta.

 

  LITTLE G P E
1 Trai Seru 15 0 1
2 Montagne Ariba 14 1 1
3 Van Engelen 6 6 4
4 Montagne Abou 8 6 1
5 Brievengat A 4 11 3
6 Santa Rosa 2 12 1
7 Brievengat B 0 14 0