Kontròl rigoroso na barkunan di fruta ku detenshon di 5 persona ilegal

158
Punda- Ayera den oranan di mainta e tim multidisiplinario ku ta konsistí di KPC,Imigrashon, Meo, Duana i GMN mester a tene un kontròl rigoroso na e barkunan di fruta. Esaki despues ku mester a konstatá iregularidat e siman promé kaminda a bin topa algun erko i mester a puntra ta di ken nan ta pero no tabata di niun persona.

Alfinal tòg nan a disparsé, ku esaki a pone ku a bin kontrolá mas rigoroso den e barkunan pa wak kiko mas di ilegal ta bin topa kuné. Durante di e kontròl den e barkunan a bin topa ku kos di lechi i tambe slòfnan di sigaria. Pa loke ta trata benta di fruta a bolbe bin konstatá ku nan ta kòrta e fruta i berdurnan pa benta. Esaki ta keda hasi di un forma a-higiéniko i ku tur esakinan a keda konfiská. Tambe a konfiská honing i suku brúin paketá ku nan no tin pèrmit pa bende. Pa loke ta trata kontròl na e venezolanonan mes, a bin konstatá ku algun di nan ta bin ku avion i ta bin traha akinan. Esaki sigur no por, a hasi detenshon di 5 persona ku ta kedando di forma ilegal i ku no tin dokumentonan tampoko pa traha.