Ladron ta kore bai laga vèn atras

A logra di bai ku basta prenda

84
Willemstad—- Polis mester a bai den e bario di Kent U Zelf pa ta mas eksakto den Kaya Konkista pa un kaso di ladronisia.

Den oranan di atardi algun habitante a tuma nota di moveshon straño na un kas den Kaya Konkista. Ora a bai mas serka pa wak kiko tabata pasando a tuma nota di dos tipo den e kura di kas i ora nan a tuma nota ku a wak nan a Sali kore bai.  E tiponan aki a kore bai laga un vèn ku tabata stashoná den e besindario. Ora a bai wak kiko e tiponan aki tabata hasi den e kura a bin tuma nota ku nan a destruí glas di un bentana i tambe bres porta di e kas pa asina por a drenta esaki. Miéntras tantu e habitante a keda pone na altura i a presentá ku e tipo ladronnan aki a drenta den su kas i a logra di kue basta prenda i tambe plaka bai kuné. A pidi asistensia di e tim Forensiko pa asina por kontinuá ku e demas investigashon.