Liga Pariba Montagne Ariba ta kibra invikto Montagne Abou den Junior League

29
Bateado di Santa Rosa ta swing den bashí kontra e picher di Brievengat.

Willemstad,– E di dos buèlta di e kampionato di Junior League Liga Pariba a ranka Sali ku tremendo sorpresa, ora ku e dos ekiponan di bario a topa otro i kaminda ku e ekipo di Montagne Abou ta sorprendé e ekipo di Montagne Ariba kibrando e último aki su invikto despues ku nan a terminá e promé buèlta di forma invikto den sinku wega.

MONTAGNE ARIBA 7 – MONTAGNE ABOU 4

Pa Montagne Ariba 7 kareda, 5 hit i 0 eror. Gyasi Isenia a gana i na bate Jaydian Felicia a bai di 1-1.

Pa Montagne Abou 4 kareda, 5 hit i 6 eror. Fitzgerald Villanueva  a pèrdè i na bate  Iverson Koeiman a bai di 1-1.

VAN ENGELEN 6 – SANTA ROSA 3

E ekipo di Van Engelen a kuminsá lanta kabes un poko den e kategoria di Junior league i nan ta logra viktoria riba e ekipo di Santa Rosa ku skor di 6 pa 3.

Pa Van Engelen 6 kareda, 8 hit i 2 eror. D’mitri Dijkhuizen a gana i na bate Djean Wederfoort a bai di 3-2 i Kyon Adamus di 1-1.
Pa Santa Rosa 3 kareda, 4 hit i 3 eror. Aidan van Kimmaenade a pèrdè i na bate Tristen Calmes a bai di 2-2 den kousa pèrdí.

TRAI SERU 6 – BRIEVENGAT 5

Den un wega hopi pèrta finalmente e ekipo di Trai Seru ta laga Brievengat dne tereno ku e skor di 6 pa 5.

Pa Trai Seru 6 kareda, 6 hit i 3 eror. D’veon Sloop a gana i na bate Henrick Scorea tabata kayente un biaha mas ku 3 hit den 3 turno.

Pa Brievengat 5 kareda 4 hit i 1 eror. Maryelo Chirino a resultá e picher pèrdèdó i na bate Welton Lourens a bai di 1-1.

DJADUMINGU

VAN ENGELEN  9 – MONTAGNE ABOU 8

Den e promé wega djadumingu e ekipo di Van Engelen ta logra su di dos viktoria sigui, miéntras ku e ekipo di Montagne Abou ku a pèrdè su invikto djasabra kontra Montagne Ariba ta bolbe pèrdè i e biaha aki ku skor di 9 pa 8.

Pa Van Engelen 9 kareda, 6 hit i 1 eror. Yardielo Oniel a gana i na bate Sean Franco Uribarri a bai di 1-1.
Pa Montagne Abou 8 kareda, 7 hit i 3 eror. Rodman Angela  a pèrdè i na bate  Naryerich Waterfort a bai di 3-2.

BRIEVENGAT 14 – SANTA ROSA 2

Seguidamente den e último wega di siman, e ekipo di Brievengat ku a pèrdè un dia promé, a bini bèk fuerte i ta nòkout e ekipo di Santa Rosa ku skor di 14 pa 2.

Pa Brievengat 14 kareda 14 hit i 4 eror. Nair Jamanika a resultá e picher ganadó i na bate Nair Jamanika  mes a bai di 5-3.

Pa Santa Rosa 2 kareda, 3 hit i 4 eror. Shurick Mauricio a pèrdè i na bate Ro-Andrick Anastatia a bai di 3-2 den kousa pèrdí.

KONTINUASHON:

E weganan den kategoria di Junior League ta kontinuá djadumingu awor ku weganan hinter dia na e parke di Tio Daou aya na Santa Rosa

 

  JUNIOR G P E
1 Montagne Abou 5 2 1
2 Brievengat 4 3 1
3 Montagne Ariba 4 3  
4 Van Engelen 3 4 1
5 Trai Seru 2 3 1
6 Santa Rosa 2 5