Ministerio Públiko ta mira oloshi hòrtá komo e inisio pa asesiná Helmin Wiels

Manera Vigilante a premirá semper:

3261
Punda—2 yüni 2012, mester ta un fecha ku tur hende tin di kòrda. Riba e fecha en kestion aki, tei lanta e disputa mas importante riba morto di Helmin Wiels. Vigilante, tabata e promé medio di komunikashon ku a splika e relashon entre oloshi i morto di Helmin Wiels. Kiko en bèrdat oloshi tin di haber ku morto di Wiels? E teoria di Vigilante, nunka no a risibí komprenshon den niun skina di komunidat, ni tampoko serka koleganan den prensa lokal. Finalmente, despues di 6 aña, Ministerio Públiko ta duna e teoria di Vigilante su base di konfirmashon.
2 yüni: den nan akusashon Ministerio Públiko ta konfirmá ku planifikashon pa asesiná Helmin Wiels a kuminsá for di 2 di yüni 2120.

2 yüni 2012 
Segun Vigilante, Helmin Wiels su morto a tuma lugá a konsekuensha di kòmbersashonnan e la hiba ku e tim shef di RST na 2012-2013, Eric K. Kade Wilsoe, ruman hòmber di Helmin Wiels i funshonarionan di RST e tempu ei tur a konfirmá ku Helmin Wiels a papia ku Eric K. Hasta Wilsoe a puntra Wiels dikon e ta papia ku RST i Wiels a splik’e ku Eric K., tabata ke un posishon den hustisia despues ku su periodo finalisá na RST komo shef. Temporada ku Wiels tabata papia ku RST den sekretu, e guera entre MFK i Pueblo Soberano tabata na e nivelnan di mas haltu.

Na mesun momento ku Helmin Wiels a hiba kòmbersashonnan ku RST, tabatin un investigashon andando riba robonan di oloshi di marka. Ta trata di e.o. atrako nan kometé na Aruba i na Kòrsou. E atrako nan tabata bou di arma pisá i bon ehekutá, na nivel profeshonal. E organisashon di Koral Specht i besindario, envolví den e robonan, a bin risibí e informashon ku Helmin Wiels, lo tabata trata na pone un relashon entre Jorge Jamaloodin i kompra i benta di e oloshi nan hòrtá. E informashon a bin lèk via di un otro alto funshonario den RST yu di Kòrsou, ku tin vínkulo ku esnan kende tabata kumpra e oloshi nan prosedente di robo i atrako. Pa tal motibu, 6 aña despues riba 19 di yanüari 2019, Ministerio Públiko i Prokurador General pa promé biaha a skùif nan fecha di akusashon hiba te na 2 yüni 2012. E ilustrashon den e artíkulo ta un dokumento presentá na korte 19 di yanüari 2019 último, unda Ministerio Públiko ta splika ku planifikashon di e morto di Helmin Wiels a tuma lugá for di yüni 2012.

F ku C: den e veredikto di Nini Fonseca, korte a konkluí ku F (Jorge Jamaloodin) a aserka C (Pretu Florentina) pa asesiná Wiels.

Riba e fecha en kestion, Ministerio Públiko ta sospechá tambe ku pretu Florentina a bai kas di Jorge Jamaloodin. Pero promé di a bai kas di Jorge Jamaloodin, segun Ministerio Públiko, riba mesun dia, esta 2 di yüni 2012, Florentina den kompania di otro a roba un joyeria na Renaissance Mall na Kòrsou. Un testigu anónimo, kende ta bisa di a mira ku su wowonan, a deklará presensha di Pretu Florentina na kas di Jorge Jamaloodin algun ora despues di e robo na Renaissance Mall.  Pa tal motibu den un komunikado, Korte ta konfirmá ku Jorge Jamaloodin a aserka Pretu Florentina promé i despues Florentina a aserka Nini Fonseca. Korte ta referí na e spekulashon ku ta riba e anochi en kestion, esta 2 di yüni 2012 tur kos a kuminsá pa plania asesinato di Helmin Wiels. Pero tin un kon fushon grandi den e kaso. Korte ta papia di un atrako na yanüari 2011 den su veredikto, miéntras Ministerio Públiko ta referí na un atrako riba 2 di yüni 2012.

Den ámbos kaso, ta importante pa realisá ku tantu Korte di Hustisia komo Ministerio Públiko ta pone relashon entre oloshi i asesinato di Helmin Wiels. Ámbos instituto hudisial, ta referí na Pretu Florentina komo e organisadó di e atrako nan, miéntras den e proseso kontra di Jamaloodin tin deklarashon unda nan ta pone un relashon entre Pretu Florentina i despues tambe Nini Fonseca. Awor ta di puntra ta kon e robonan di oloshi por a kondusí na morto di Helmin Wiels. Na novèmber 2015, Vigilante a pòst un notisia riba su Facebook, alegando ku dos persona en baho mundu, relashoná ku robo di oloshi tabata envolví den asesinato di Helmin Wiels i ku defuntu Florentina tabata unu kende a hasta prefinansiá e asesinato. Riba 180 komentario a mustra nan mal kontentu splikando ku ta un notisia fábrika pa despita e investigashon. Entretantu, despues di 5 aña ku Wiels muri, Korte di Hustisia i Ministerio Públiko no por los e morto di Wiels mas ku e robonan di oloshi. I segun Ministerio Públiko tur kos a kuminsá riba 2 di yüni 2012, dia defuntu Pretu Florentina a ofresé e oloshinan hòrtá di Renaissance na aktual sospechoso Jorge Jamaloodin.