Promé minister a pidi diskulpa pa su aktuashon

198
Willemstad,–  Eksaktamente 7.45 ayera nochi promé minister di Kòrsou señor Eugene Rhuggenaath a sali for di Forti pa kontesta e trahadónan di Refineria isla ku tabata dilanti porta di palasio i e promé kos ku promé minister a hasi ta pidi diskulpa na e trahadónan pa su aktuashon di e lanta bai laga nan.

El a bisa ku for di trempan el a bisa si ku e por ta presente 3’or , pero ku pa 5’or e tin un reunion na Forti kual e no por kanselá.

Pa loke ta e kontesta ku e mester a duna riba e dos preguntanan di trahadónan i nan sindikatonan, señor Rhuggenaath a bisa ku e manera ku el a bini ta trata ku e sindikatonan di un manera transparente ta paso nan tin un meta i e meta ta keda meskos. El a splika ku e diferensha di opinion ta Clift Christiaan ku ta den e tim negosiadó i ku ke hinka Cova den e tim.

El a splika ku direktor interino di RdK señor De Lanooi a bisa kaba ku lo bai hasi uso di señor Cova su eksperensha ora ku yega prinsipalmente na e asuntunan laboral. Promé minister a pidi pa e por papia e puntonan aki den konseho di minister mañan mainta di manera ku e desishon lo no keda manera ta un desishon personal di su persona.