Sinku persona ta pèrdè nan bida den aksidente di bùs na Ecuador

28
Outoridatnan ku a presentá na e sitio di e insidente.

QUITO – Un total di sinku persona lamentablemente a pèrdè nan bida i otro mas di 29 a resultá heridá den un aksidente di tráfiko registrá na e sentro andino ekuatoriano i den kua tabatin un bùs di transporte di servisio públiko impliká.

E echo a keda registrá den oranan di mardugá, den e zona di Alausí, na e provinsia andino di Chimborazo.

Segun datonan divulgá pa e organismo di yudansa a indiká ku a duna atenshon médiko na 29 persona ku a resultá heridá den e insidente ku posteriormente a keda trasladá pa sentronan médiko.

Pa atendé e aksidente aki, un total di shete ambulans di Ministerio di Salú Públiko a presentá na e sitio, huntu ku dos ambulans i dos unidat di reskate di Kuerpo di Bombero.

Ademas, sinku patruya di outoridatnan polisial huntu ku e unidat di medisina legal i SIAT, e institushon enkargá ku temanan di aksidentenan di tráfiko na e pais.

Segun informashonnan preliminar di Outoridatnan Nashonal, tabata trata aki di e pèrdida di kontrol i e bùs di pasahero, ku tabata dirigí su mes pa Cuenca-Quito, seguidamente a bai bòltu.

Aksidentenan di tráfiko na Ecuador ta laga mas di 3.500 morto kada aña di nobo i un di esnan mas grave di aña 2018, a tuma lugá na luna di ougùstùs di aña pasá na e karetera ku ta uni Quito ku e lokalidat turístiko di Papallacta, unda tabatin 23 morto i 22 herido.