Trahadónan di Isla no kier Clift Christiaan mas den negoshashon

161
Bastante ta e trahadónan ku a akudí ayera mèrdia na e kantor di PWFC pa a tende di promé minister i tambe hasi pregunta na e promé mandatario. E trahadónan no ke Clift Christiaan den e tim negoshadó.
Willemstad,– E lokual ku sigur a bira un punto fuerte ayera durante di e reunion di trahadónan di isla ku gobièrnu, tabata e asuntu di señor Clift Christiaan den e tim di maneho pa RdK.

Trahadónan di Isla a para ariba ku nan no kier e mener aki den e grupo negoshadó i a duna mandato na nan sindikato pa saka Christiaan for di e tim i na su lugá hinka Errol Cova.

Segun tantu e trahadónan komo sindikato ta kere ku pa transparensha, nan tambe tin deber di tin un representante den e tim aki.

E trahadó ta insistí ku Clift Christiaan tin ku bai i ku pa e siman aki nan ta deseá un kontesta. Nan ta bisa ku si ta Christiaan ta esun ku ta stroba e negoshashon i tambe stroba pa nan tin un representante den e tim negoshadó, e tin ku bai.