Trahadónan di Isla ta sigui den akshon sperando kontesta di promé minister

128
Willemstad,– Despues ku promé minister a kaba di pidi tempu di manera ku e por papia ku sobra koleganan den konseho di minister awe mainta, representantenan sindikal a bisa promé minister ku si e tin interes di pais na pechu, e lo yama un ministerraad ayera nochi mes, meskos ku nan a hasi tempu di Baoase kaminda a yama tur minister huntu pa despues bin gaña pueblo.

Na e momentu ei minister Rhuggenaath a haña ku e no tin nada di mas di tende i a bira su lomba bai laga tur trahadó, sindikato i miembronan di prensa.

Trahadónan i nan sindikato despues di e akto aki a bai sede i a bisa ku tur loke sosodé ta pa kuenta di promé minister i ku nan lo no bai traha miéntras ku nan no haña un kontesta riba e dos preguntanan.