Tres tipo ta kita tas ku seis mil florin bai kuné

For di un dama den Kaya Dal Pega

2980
Willemstad— Polis ta investigando un kaso di atrako ku a tuma lugá ayera den oranan di anochi riba un dama den Kaya Dal Pega na Montaña.

E dama mester a splika na Polis ku e la kaba di yega kas despues di a bai tuma sèn di sam serka un otro dama. Den e kaso aki tabata trata di un montante di seis mil florin. Segun e dama tabata manera ku e la yega kas e la wòrdu sorprendí pa tres tipo ku kara tapa ku a logra di ranka su tas den kual e tabatin e sèn i a kore bai ku esaki. E dama debí na e atrako ku e la kaba di pasa aden a bin kai den un shòk. Loke ku e dama a keda ta puntra su mes kon bini e trio tabata sa ku na e momento ei e tabatin sèn di sam ku e la kaba di bai tuma un ratu promé.