Famianan ta pèrdè kaso di Dome den korte

Zita a buska solushon pero a bai korte tòg

432
Minister Zita Jesus Leito ta bisa ku a yam’é tokante di e problema aki di ‘Dome’pa wak si e por intermediá papiando ku e hendenan.
Willemstad,– Di parti di gobièrnu minister Zita Jesus Leito a splika ku gobièrnu no kier niun konflikto riba asuntu di karnaval. E ta bisa ku prekario huntu ku ministerio di enseñansa bou di departamentu di ROP ta atendé  ku e parti di prekario. Minister ta bisa ku a duna vergunning kaba na hopi hende i ku ta pa hopi aña nan ta hasiendo e trabou. Minister nunka no ta serka di e prosesonan aki, paso e departamentu nan mes ta hasi e trabou.

Minister ta bisa ku a yam’é tokante di e problema aki di ‘Dome’pa wak si e por intermediá papiando ku e hendenan. E ta bisa ku el a papia ku e hendenan pa el a komprondé  presis kiko ta e puntonan i e interesnan i e kos a bai den hopi bon esfera. El a splika kiko gobièrnu ta mira, pues ku e ‘dome’ ta manda señalnan internashonal kual ta loke gobièrnu ke tambe pa mundu mira nos karnaval.

Den e kuadro aki el a splika e hendenan kiko gobièrnu ta mira i kier sirbí nan interes tambe i a ofresé e hende nan hasta pa baha preis pa nan, di manera ku e ‘dome’ por para einan. “E dome ta bini einan paso e hendenan di e ‘dome’ mes a papia ku e doño di e lugá, pa nan por para dilanti e lugá”, asina minister a bisa.

E ta bisa ku nan, esta gobièrnu, kier a wak si por balansa e interes, pero nan a ripara ku maske nan kier duna un man , tòg a bai un kaso den korte i pues awor Korte a disidí ku e DOME por para  kaminda ku nan a pidi, esta na Rooseveltweg riba un tereno ku ta kubri e kuater meter ku e famianan ku a hasi e wisio sumario tabata para.Korte ta mira ku e interes pa e públiko internashonal ku ta disfrutá di e marchanan di Karnaval ta grandi i ta pisa mas ku e interes di esnan ku a hasi e kaso, pues e famianan ku tabatin 23 aña ta para einan. El a bisa ku por kuminsá ku konstrukshon di e Dome na e sitio.