Insidentenan fatal den kuido mental pa falta di personal

61
kasi 50% di insidentenan pa falta di personal
ARNHEM—Diferente insidente fatal den kuido mental (ggz) ta konsekuensia di un skarsedat di personal, segun un investigashon di Inspekshon di Salubridat i Hubenil (IGJ).

Inspekshon a investigá e relashon entre skarsedat di personal i kalamidatnan den klinikanan sikiatriko. Den kasi 50% di insidentenan investigá ku a tuma lugá último aña i mei, falta di personal a hunga un ròl. Den 20% di kasonan e falta di personal tabata e kousa mas importante, den 25% el a hunga un ròl determinante, segun Trouw. No por bisa kuantu hende a muri a konsekuensia di falta di personal pero si Inspekshon por a konfirmá ku hende a muri pa e motibu aki. Un kalamidat ku final fatal ta entre otro suisidio, kandela, remedinan robes of insidente violento. No ta solamente e falta di personal, tambe ta falta di eksperensia tin biaha ku no ta detektá señalnan di agresividat of potensial suisidio. E asosashon den kuido mental ta rekonosé e problemanan. Masha tempu nan a bati alarma.