Maestronan ta bai “All the Way” nan lo no kansa te ora nan logra

109
Stenenkoraal- Ayera den oranan di mainta SITEK a bolbe reuní ku maestronan enkuanto e puntonan ku ketu bai nan ke pa keda regla. Maestronan ya ta den mas ku 7 dia di akshon kaba. Sr. Plantijn a splika ku tur loke ku SITEK a logra ta ku akshon a logranan for di 2001.

Tambe Sr. Plantijn a deklará ku nan no ta mara na niun partido polítiko. Tambe a firma un konvenio na 2016 pero te awor aki nada no a tuma lugá. Tambe e sindikato ta bisa ku tin un funshonario ku ta stroba nan for di dia a bira Pais Kòrsou. Despues ku Minister di Finansas a bisa durante reunion ku miembronan di sindikato si ta nan derechi e ta nan tin tur derechi riba e promoshon di dosente A bai B. A ratifiká ku tur hende por pasa di A pa B. Na momentu di reunion mas lat no a laga e miembronan di sindikato drenta esaki ta pa motibu ku e mesun funshonario tabata presente, tambe a duna di konosé ku no ta tur hende tin derechi riba e promoshon. SITEK a hasi entrega di un dokumento i ya ta mas ku 7 dia kaba ku ta den akshon i ketu bai no a haña loke ku nan ta deseá i nan ta di pensamentu ku tin hende ku ke stroba enseñansa. Maestronan a duna nan opinion enkuanto e komunikado di prensa ku a keda emití i ku nan a trese sierto puntonan dilanti. A bisa ku no ta respetá nan trabou i ku hopi kos nan tin ku hasi komo maestro di skol i ta keda trata di e manera ei. Tambe nan a duna di konosé ku nan lo no kansa te na momentu ku nan logra nan meta i ku nan ta bai “All the Way”. Awe mainta un biaha mas maestronan lo reuní na SITEK pa sa kiko a keda palabra durante e reunion ku Minister di Enseñansa.