Outoridatnan lo aktua severo si tin destrukshon durante manifestashon

387
Willemstad—Ministerio Públiko ta rekonosé i ta respetá e derecho di tur suidadano pa por manifestá, basta esaki ta bai den e márgen di lokual lei ta permití. Na momento ku durante di un manifestashon personanan hasi nan mes kulpabel na echonan kastigabel manera destrukshon di propiedat, menasa, no kumpli ku instrukshon di outoridatnan kompetente i trese órden públiko na peliger, esaki ta bira un echo kastigabel.

Den un kaso asina aktuashon di Polis na promé lugá ta pa kaba ku disturbio i kita esnan ku ta stroba órden públiko for di e lugá, pero tambe lo pasa over pa detenshon di esnan responsabel pa e echonan kastigabel kometé. No ta permití pa na niun momento pa usa droga òf alkohòl durante manifestashon. Na momento ku e manifestashon Sali for di man outoridatnan lo aktua dirigí pa kaba kue manifestashon i lo bai over pa detenshon kaminda ta nesesario.