Pareha di ansiano ta pone fin na nan bida paso nan no ke ta un karga

103
Pareha ku a disidí di pone fin na nan bida.

SANTIAGO DE CHILE – E kurpanan sin bida di e ansianonan José Aedo, di 94 aña, i su kasá, Blanca Sáez, di 86, a keda deskubrí den e último oranan pa un nietu den e bibienda di ámbos, na El Bosque, na área sùit di e kapital chileno.

Na e lugá a haña tambe un karta den kua e pareha, ku tin 62 aña kasá, ta splika ku nan a disidí di pone fin nan propio bida pa motibu ku nan tabata kansá i di dependé ekonómikamente di nan famia, formá pa kuater yu i shete nietu.

E Fiskalia chileno i outoridatnan ta investigando e sirkunstansianan ku e ansiano di 94 aña a tira su kasá di 86 aña mata i despues a kometé suisidio ku e mesun arma di kandela aki. E arma aparentemente tabata legalmente na nòmber di e muhé.

Segun bisiñanan i e famianan mes, no tabata eksistí ningun kaso di violensia familiar entre ámbos i nan tabatin un bida sumamente trankil i den harmonia. Algun dia pasá inkluso nan a papia di akudí huntu na un konsulta médiko.

Catherine Aedo, nietu di e pareha di ansiano, a publiká un mensahe emotivo riba su kuenta personal di Facebook pa demostrá su tristesa pa ku e echo.

Aedo a agregá ademas ku e no ta komprondé dikon nan a tuma e desishon aki, pues niun hende tabata ke pa nan bandoná nan.