Sospecho ku un di e asesinonan lo a hui bin Kòrsou

Investigashon di tiroteo Katendrecht ta wòrdu ekstendé pa Kòrsou

4152
Willemstad—–Outoridatnan Ulandes ta pidi koperashon di e komunidat di Kòrsou pa asina resolvé un kaso di asesinato ku a tuma lugá aña pasa den e luna di òktober na unda un yu di Kòrsou a keda asesiná.

Durante un tiroteo den e bario Katendrecht na Rotterdam dia 28 di òktober 2018 DAIRON ALBERTO a fayesé.For di e anochi fatal ei un tim di 25 reshèrshi ta trahando sin stòp hasiendo investigashon.Reshèrshinan a risibí un tep ku e malechornan òf un di e malechornan lo a huí bai Kòrsou.Ta p’esei e investigashon ta wòrdu ekstendé pa Kòrsou.

E tata di DAIRON ta hasi un yamada emoshonal: “DAYO no tabata solamente mi yu hòmber. Nos tabata amigu. Mi ta kibrá. Mi no ta drumi mas, mi ta kibrá di ferdrit. DAIRON tabata inosente. Anto ken lo ta e próksimo aweró? E kos aki mester kaba. Si tin un hende ku sa algu, por fabor bisa.’.

Bo tin informashon, bèl (+31)79-3459876.

Duna tep tambe por via di WhatsApp number +31 6 -17214856 òf klek riba e link aki pa duna un tep mesora òf manda un mail na tgo.rotterdam.team2@politie.nl.