Tiroteo na banko sentral; batayon di polis riba pia

93
tiroteo na Nederlandsche Bank
AMSTERDAM—Na banko sentral hulandes Nederlandsche Bank riba Frederiksplein na Amsterdam, tabatin un tiroteo.

Asina Marechaussee Real a konfirmá. Prome informenan ta indiká ku polis a tira un persona. Nan tin vigilansia di banko sentral. Batayon di polis a yega na e sitio. AT5 a informa ku realmente a lòs diferente tiru. Un testigu okular ta bisa ku el a tende 20 tiru. Un otro testigu a bisa ku el a mira un víktima rondoná pa polis. Na un stashon di gasoline outoridatnan lo a blòkia un outo, kaminda a detené e okupantenan. No ta kla si e detenshonnan ta relashoná ku e insidente. Banda di Frederiksplein a saka tur hende for di tram. Polis ta tene kuriosonan na distansia di algun shen meter di e sitio di insidente.