Vehíkulo kita durante atrako haña den Bramendiweg

402
Willemstad—- Polis mester a bai den oranan di mardugá den Bramendiweg pa un vehíkulo ku a ser laga atras.
A bin hañ’é ku porta habri.

Tabata den oranan di mardugá ku Polis a haña e informashon k algun hòmber mester a baha for di un vehíkulo i a kore bai laga esaki atras ku porta habri den Bramendiweg. Polis a bai na e sitio unda a bin topa ku e vehíkulo i for di e investigashon a bin saka afó ku e vehíkulo aki un ratu promé a ser kita for di e shofùr bou di menasa ku arma. Mesora Polis a laga konfiská e vehíkulo pa mas investigashon.