Wèlguistanan a bai kas di ministernan Suzy i Steven

Nan kier a sa di e mandatarionan si nan ta na altura di e karta

401
Willemstad,– Despues ku sindikatonan PWFC i tambe APRI a partisipá na nan miembronan ku nan a risibí un karta serka promé minister ku ta kontesta ku no ta saka señor Christiaan for di e tim negoshadó i tampoko ta hinka Errol Cova den esaki, esakinan a disidí di tumba pa kas di minister Martina i minister Camelia Romer.
Minister Suzy Camelia Romer den kompania di su esposo señor Carl Camelia tratando di splika representante di PWFC i tambe e trahadónan di Isla ku ta den wèlga, ku tur minister ta na altura di e karta, pero ku ta promé minister so mester firma i ku sobra ministernan no mester firma, pero si ta di akuerdo ku e karta.

Informashon ku Vigilante a risibí ta bisa ku e motibu di e bishita na kas di e dos mandatarionan aki tabata pa sa si nan ta na altura di e karta, komo ku e karta a ser firma solamente promé minister.

E mandatarionan a akseptá ku nan ta na altura di e karta, pero den e kaso aki ta e promé minister so mester firma karta. Pues e sindikatonan a konkluí ku hinter e gabinete ta na altura i ta di akuerdo pa Clift Christiaan keda den e tim negoshadó, kual nan si no ta di akuerdo i pues ta kontinuá ku nan akshon.

Tambe nan a splika Vigilante ku e akshon lo bai intensifiká poko poko i nan no por bisa kiko ta e plannan. Echo ta ku pueblo mester keda pendiente mirando ku lo por bai tin blòkiamentu di kayanan e dianan aki sigur den oranan di dia.