Outo ku tambe tabata envolví den e aksidente.
Willemstad—–Un aksidente entre di dos vèn ku basta daño material ta loke a tuma lugá den oranan di mardugá riba Winston Churchillweg.

Segun shofùr di un di e vènnan envolví den e aksidente riba Winston Churchillweg a splika ku e tabata para riba Seru Fortunaweg pa asina subi Winston Churchillweg. Ora e la tuma nota ku niun vehíkulo no tabata aserkando e la kuminsá hasi e trámitenan pa Sali for di e hanchi. Tabata na e momento ei un vèn ku tabata aserkando sin su lusnan sende a kore bin dal den su banda. Debí na e choke e  vèn mester a bek bai dal kontra di un outo ku tabata para na e punta di hanchi. Den e aksidente vários persona a sufri leshon i a keda transportá pa Poli.