Apsolushon di Tromp ta definitivo

Ministerio Públiko ta revoká petishon pa kasashon den kaso Saffier

290
Definitivo Tromp a gana e kaso.
Willemstad—–Djabièrnè 8 di febrüari 2019, Ministerio Públiko (OM) a revoká e petishon pa kasashon den e kaso Saffier kontra di M.E. Tromp. Di e manera aki, apsolushon di Tromp ta bira definitivo ku e veredikto di 13 di desèmber 2018 dor di korte di apelashon,

Na komienso di 2016 a kuminsá un investigashon di posibel hechonan kastigabel kometé dor di e direktor dje tempu ei di Banko Sentral di Korsou i Sint Maarten (CBCS). Despues di a terminá e promé parti di e investigashon, a dagfar Tromp den 2017 pa froude di impuesto kometé den esfera privá. Ku e veredikto di novèmber 2017di korte den promé instansia, Tromp a keda apsolv’é. Despues OM a bai den apelashon. Korte di apelashon pa otro motibunan, tambe a apsolv’é Tromp. OM a hasi un petishon pa kasashon, pasombra e tempu tabata nesesario tambe pa studia e diferente verediktonan den nan konteksto i pa evaluá ku si lei a keda mal interpretá òf malusá

OM a dagfar Tromp pa motibu ku intenshonalmente a hasi deklarashon di impuesto inkorekto. Korte tabata di un otro opinion. Si un deklarashon di impuesto ta inkorekto of e echo ku e sospechoso a hasi esaki intenshonalmente, no ta preguntanan hurídiko, pero preguntanan basá riba echo. Preguntanan asina no por kondusí na kasashon.

Korte Superior no ta huzga e echo, pero si e pregunta si a kumpli ku reglanan i ku lei i ku esakinan no a keda viola. Despues di esaki, Ministerio Públiko a yega na e konklushon ku prolongashon di kasashon no tin sentido. Ta pa e motibu aki a revoká e petishon di kasashon awe mainta.