Awe i mayan ta kùr vehíkulo ku ta partisipá den karnaval

127
Willemstad—–Direktiva di Asosashon di Gruponan di Karnaval Kòrsou (AGKK) ta anunsiá na tur su miembro nan ku e fecha pa kùr tur vehíkulo ku ta partisipá den nos parada nan di karnaval 2019 ta djasabra 9 i djadumingu 10 di febrüari próksimo, kuminsando for di 9or di mainta pa 4or di atardi riba tereno di  Curaçao Port Services na Nieuwenhaven.

 

Nos kier a rekordá tur shofùr i tambe shofùr ouksiliar ku mester tin un rijbewijs bálido. Tur vehíkulo mester tin belastingkaart, seguro bálido i keuringsbewijs bálido, si e ta kore riba kaya públiko. Tur otro eksigensianan tantu pa vehíkulo i shofùr nos a manda via meil pa tur nos lidernan di grupo.